Friday, August 20, 2010
चौकटीतला चंद्र
मी उभी होते...अगदी स्तब्ध अन निश्चल..आज माझ्या खिडकीची कवाडे उघडली होती...त्या लाकडी चौकटीतून तो चांदवा माझ्याकडे एकटक पहात होता...त्याची शीतल चंद्रप्रभा चौकटीतून आत डोकावू पहात होती...माझ्या अंतरंगाला स्पर्शून ती मला म्हणत होती...का रोखतेस मला...येउदे मला आत अन घेऊदे तूला कवेत...आज या पौर्णिमेच्या रात्री सारे काही विसरून जा...विरघळून जा...न्हाऊन घे या शीतल चांदण्यात...तिच्या त्या आर्जवी बोलण्याने मी हरवून गेले होते ...बेभान झाले होते..उरले होते फक्त मी अन माझा चौकटीतला चंद्र...
Wednesday, August 18, 2010
Saturday, August 7, 2010
Thursday, August 5, 2010
भातलावणी
पावसाळ्याचे दिवस आहेत असे पुण्यात राहून जाणवणार नाही पण जरासे बाहेर डोकावले म्हणजे मावळात आणि मुळशीला गेलं तर पावलोपावली पावसाच्या खुणा दिसू लागतात...कडेकपारीतून वाहणारे धबधबे...हिरवाईने नटलेले तोरणा, राजगड अन सह्याद्रीचे कडे...खोऱ्यात लावणीसाठी पाण्याने ओतप्रोत भरलेली भातखाचरे...कणाकणात भरून राहिलेली हिरवाई आणि पाहणाऱ्याला मोहवून टाकणारी धुक्याची दुलई...हे सारे पाहून काही रेखाटावसे वाटले..तोरण्याच्या पायथ्याशी वेल्हे गावात भात लावणीचे हे दृश्य दिसले आणि ते अलगद कागदावर उतरले...
एकाकी ...
Subscribe to:
Posts (Atom)